如果有留意我ig story就會知我係比裝修吸引咗先🥹
餐廳行高級時尚路線 但又有啲懷舊美式元素喺入面
趁住RW有抵食嘅餐 終於決定去試下!
話就話美式扒房 但佢哋提供嘅牛扒就嚟自世界各地
只係單單今個menu已經有美國 澳洲同法國嘅牛揀
𝗥𝗲𝘀𝘁𝗮𝘂𝗿𝗮𝗻𝘁 𝗪𝗲𝗲𝗸 𝗗𝗶𝗻𝗻𝗲𝗿 𝗠𝗲𝗻𝘂($𝟰𝟵𝟴𝗽𝗽)
🤍𝗕𝗼𝘀𝘁𝗼𝗻 𝗟𝗼𝗯𝘀𝘁𝗲𝗿 𝗦𝗼𝘂𝗽 | 𝗥𝗮𝘁𝗶𝗻𝗴: 𝟳/𝟭𝟬
龍蝦味ok 質地未到好濃稠但亦唔會太稀
比較我飲過嘅龍蝦湯入面佢算比較淡少少
似冇特別落忌廉嗰啲 龍蝦肉有兩粒
🤍𝗦𝗶𝗴𝗻𝗮𝘁𝘂𝗿𝗲 𝗖𝗿𝗮𝗯 𝗖𝗿𝗲𝗽𝗲 (+$𝟳𝟴) | 𝗥𝗮𝘁𝗶𝗻𝗴: 𝟳.𝟱/𝟭𝟬
幾特別嘅appetiser 本身以為佢似泰式嗰種出面全部蛋
但原來真係有個crepe皮 包住一絲絲蟹肉
再有三文魚籽增添鹹味同鮮味 個汁有啲酸酸甜甜
食落雖然幾特別同開胃 但個人又覺得未到超夾
🤍𝗨𝗦𝗗𝗔 𝗣𝗿𝗶𝗺𝗲 𝗦𝗶𝗿𝗹𝗼𝗶𝗻 | 𝗥𝗮𝘁𝗶𝗻𝗴: 𝟴.𝟯/𝟭𝟬
呢款嘅medium整得啱啱好 見張相都知 切開粉嫩!
肉質比較下較嫩 比較重牛味 配嘅係紅酒汁
以唔洗再額外加錢嚟講同ribeye差唔多好食 就會值揀好多
🤍𝗙𝗿𝗮𝗻𝗰𝗲 𝗥𝗶𝗯𝗲𝘆𝗲(+$𝟭𝟮𝟴) | 𝗥𝗮𝘁𝗶𝗻𝗴: 𝟴.𝟱/𝟭𝟬
要加錢但個人覺得係比西冷要好食多少少少😚
個medium冇西冷整得咁好 會熟多咗啲
可能咁所以肉質都實少少 但佢又脂香好多
同埋唔知係咪因為肥啲 個表面比西冷要焦香好多!
配咗個牛油汁Bearnaise 點少少同塊牛都幾夾 但不能多
呢份有足足8oz 女仔會食唔曬lol最後比咗成1/3比男朋友
🤍𝗧𝗶𝗿𝗮𝗺𝗶𝘀𝘂 | 𝗥𝗮𝘁𝗶𝗻𝗴: 𝟲/𝟭𝟬
以呢個價位嘅餐廳嚟講佢嘅Tiramisu令人有啲失望…
首先mascarpone cheese係夠滑身的
但手指餅係濕啲唔濕啲咁 睇相feel唔feel到佢仲乾緊(?😀
係有部分位置會食到咖啡嘅味 酒味整體就冇乜
要特別一提個麵包!! 通常呢啲黑色嘅包都會係竹炭麵包
Which我成日食落都唔覺有咩特別
但呢個係黑芝麻法包!🥰可能本身我係黑芝麻控 又加咗分
個包超級香黑芝麻味 加上少有會跟埋焗蒜
搽好曬牛油 整爛個蒜 係三重滋味嘅享受!
整體呢個價錢 牛扒出色 其他食物質素都不錯
算係喺中環CP值好高嘅一間扒房 服務還可以
裝修有格調 氣氛幾浪漫 適合慶祝節日！
#西餐廳 #UCreator #港島美食 #打卡美食 #CAFE #Foodie #假期推介 #中環美食 #中環扒房 #扒房 #香港美食 #hkfoodie
